上一期旅癮帶大家去廣州買衫衫,唔好俾佢停,今個星期要帶大家去感受夜生活!
去廣州剩係知紅磚廠?咁就out啦,仲有好多好去處噶,旅癮最中意就係影影影,夠多裝逼照喺朋友圈先威額!都係戈句,帶齊銀紙出發啦~
廣州咁大,銀紙都用曬喺交通啦,點蒲啊?來啦,旅癮話你知正確嘅旅行方式!喺萬勝圍地鐵站,有一個本地人都唔一定知嘅觀光路線,喺地鐵站A出口,對面就係有軌電車站啊!
環境乾淨又舒服,仲有靚風景,重點係,全程只需要兩蚊,好抵啵!
話咁快,就來到旅癮第一個要推薦大家來嘅地方,wow,一落車就見到無敵大江景!
琶醍啤酒文化創意藝術區
作為文青,當然係要去廣州藝術區啦,文化創意藝術區,顧名思義有好多特別嘢,簡直就係滿足咗購物同視覺享受啊。
呢個創意文化藝術區,裡面有好多時裝,而且好多都係出面少見嘅牌子,咁就冇咁容易同人地撞衫啦,而且款式仲好多添~
仲有隨處可見嘅甜品店,夏日炎炎,嘆翻個雪糕先~
地址:廣州市海珠區閱江西路(廣州有軌電車琶醍站)
Mr.rocky洛奇先生餐吧
夜生活來嚕!呢間餐廳係廣州好出名噶,環境同食物出品都好正,真係放鬆好去處啊!
哇~已經被食物賣相深深吸引啦,真係香噴噴額,食物類型多,仲有一樣啱你!
好多本地人中意放工之後來放鬆,咁大嘅桌球檯點可以錯過啊,仲有高手在人間添,真係過足癮
夜景真係一流,一眼望過去,仲可以見到成個廣州塔,一次性滿足多個願望額~
地址:琶醍啤酒文化創意藝術區B區06-07鋪
沙園站
除咗琶醍站,仲有一個地方係必去噶,就係沙園站啦,周圍真係應有盡有,go~!
一出站就係大商場啦,最適合懶人額,而且裡面仲有齊曬各種商鋪,好多廣州網紅打卡店啊!來來來~馬上介紹旅癮至愛話你知!
奈雪の茶
呢間茶飲店係深圳好hit噶!聽個名就已經好吸引啦,小清新嘅感覺撲面而來,成間店嘅設計色調都好舒服,最啱約friend去嘆啦~
哇~係網紅髒髒包惹,點可以唔試一次啊
一啖包,一啖茶,正啊!
地址:海珠區工業大道北樂峰廣場B1(沙園地鐵站A出口直達)
太古倉碼頭
來坐船?當然唔係啦!呢度前身係船廠來噶,依家活化成酒吧街,里面有乜,即刻揭晓!
虽然话係酒吧街,但其实里面嘅店多种多样,怀旧味浓郁,仲有文创添,快来打卡啦!
呢度嘅文创都係本地设计师设计噶,广州真係好多有韻味嘅藝術人,難怪咁多年輕人畢業後都來廣州發展,真係發展好地方啊!
走之前,當然要來呢個春風十里音樂餐吧外墻打卡啦,聽講係網紅拍照勝地,今晚朋友圈見嘻嘻~
除咗呢個網紅打卡位,太古倉仲有好多裝逼影相好選擇!無論係夜景或是白天,都別有一番各自嘅風味,時而嫵媚,時而優雅,忍唔住了~
地址:廣州市海珠區革新路124號(沙園地鐵站步行15-20分鐘)