每到星期五嘅時候，總想將所有美食攬曬入肚仔犒賞自己。對於係超級海鮮控的小編海哥Hoi Gor，聽聞位於新葡京的「THE KITCHEN」推出咗一場盛大嘅「龍蝦之夜」晚宴，而且只限定於八月的每個週五晚上供應，二話不說，馬上等我帶大家去試下先。
擁有米芝蓮一星殊榮的「大廚」，座落於新葡京酒店三樓
新鮮生猛的龍蝦
一入門口就能看到龍蝦自助沙律吧，空運而來的新鮮龍蝦任君選擇，加上龍蝦冷盤即時令海哥胃口大開，忍不住要食指大動啦。
除了可以在沙律吧自選時令食材搭配龍蝦之外，還有非常濃郁嘅「龍蝦湯」和The Kitchen馳名的「龍蝦壽司」作為前菜，十分豐富。
享用完頭盤後，還有三款不同口味的主菜供應，分別有原隻龍蝦灸烤、芝士白汁烘焗龍蝦及蒜蓉香草牛油龍蝦，餐廳會因應客人的口味喜好以三種不同的烹調方式來炮製龍蝦，真係好貼心呀。
原汁原味: 原隻龍蝦灸烤
清新味覺:蒜蓉香草牛油龍蝦
最佳拍檔:芝士白汁烘焗龍蝦
海哥個人最心水的就是原隻龍蝦灸烤，除了肉質非常緊實彈牙外，還能吃出原汁原味，非常有鮮味，令人回味無窮。
所有龍蝦均由廚師即場烹調
龍蝦宴的主角龍蝦都是由美國同加拿大新鮮捕獲空運返嚟嘅波士頓龍蝦嚟㗎，非常新鮮生猛。而波士頓龍蝦最出名就係鮮美多汁同肉質彈牙，啖啖肉之餘仲十分惹味，簡直係炮製龍蝦宴的不二之選。
除了龍蝦之外，還要特別一提的仲有這個令海哥念念不忘嘅「OPERA歌劇院蛋糕」，由日籍西餅行政主廚村中德仁先生精心打造。上層薄朱古力面再灑上金箔，再配上雪糕，豐富嘅口感簡直令人一試難忘，為龍蝦之夜作最美的點綴。另外如果在用餐期間想以美酒搭配佳餚，侍酒師會樂意為大家推薦一系列的Magnum精釀供品嘗。
有五道菜式嘅「龍蝦之夜」只係限定今個八月逢星期五晚六時三十分開始供應，各位饕客們萬勿錯過！
「龍蝦之夜」晚宴價格為成人每位澳門幣 980元，十二歲以下小童每位澳門幣 490元，預訂或查詢，請致電(853) 8803 7777，以上價格需另加壹服務費。
