上回講完廣州大熱餐廳，今次我哋再接再厲嚟到深圳。深圳美食同廣州一樣咁多元化，但好野就自然多人食啦，所以小編介紹嘅都係長期排曬長龍嫁！跟住我嚟，一齊食盡深圳勁紅餐廳啦！
桂滿隴
火遍上海嘅桂滿隴，由上海排隊排到嚟深圳！餐廳以800年前，南宋時期嘅首都臨安做主題，裝修好有特色，令你有似置身於宋朝嘅感覺。
在 Instagram 查看這則貼文
除了環境令人讚嘆不絕之外。佢嘅菜式質量好高，道道精心，每一味菜都用心創作！小編推薦：雞爪、糖醋排骨、沸騰魚、蟹粉、油爆蝦、冰粉等等，絕對值得一試！
在 Instagram 查看這則貼文
地址： 深圳益田路5033號平安金融中心6樓601
譚鴨血火鍋
深圳第一間鴨血火鍋，每間分店都爆滿，誇張到凌晨都仲會大排長龍。連十二道峰味都去呢到拍，經典譚鴨血紅鍋係必叫菜式第一位，鴨血越煮越嫩，完全唔會腥！鴨血唔夠再加都只係12蚊，仲有好多其他滷水小食，肥腸，千層肚等等，鍾意打邊爐朋友千祈咪錯過啦。
地址：福田區水圍村水圍二街水圍新家園首層東6-7號
小田豆漿
深圳早餐屆霸王，小田豆漿由晚開到朝早。佢純正嘅豆漿，可以比你添加一份食材。小編推介加雞蛋，再將油炸鬼浸落去，油炸鬼香脆嘅口感配搭蛋香同香濃嘅黃豆味，簡直係完美嘅配搭。除咗豆漿油條，仲有各種裸條、腸粉、蒸面、燒烤等等，各種各樣小食。
地址：深圳市福田區赤尾村三坊5號101鋪
拾下卜卜貝
深圳近期最紅火鍋拾下卜卜貝，主打卜卜蜆。一鍋有成四斤白蜆，鮮甜多肉，小編認為夠四個人食到飽。唔夠想再加都只係48蚊一份，抵到喊！湯底係蠔乾熬製而成，原汁原味。卜卜蜆鍋入面仲可以加其他配菜，澳洲肥牛、松葉蟹柳、帆立貝、蘭花蚌等等都係又平又正嫁。
地址：龍華區中環路大信花園8棟(龍發路199號)
Ih café
深圳網紅café超多，而呢間少女主題嘅IH CAFÉ，就因為佢華麗夢幻嘅裝潢而吸引萬千少女去打卡朝聖。IH CAFÉ提供好多唔同主題嘅房，有型格黑白、黃色POP ART，仲有彩虹牆同藍色雪糕手繪壁畫等等。加上超多得意道具同美食，務求令你影個不停。
在 Instagram 查看這則貼文
在 Instagram 查看這則貼文
在 Instagram 查看這則貼文
地址：深圳市南山區蛇口太子路碧濤別墅10號
謎 mystery café
擁有歐式復古風嘅謎café，一樣係超熱門嘅打卡熱點。全間餐廳以白色為主調，白色桌椅、枱布、蕾絲窗簾、梳化等等，搭配木製、銅色擺設，無論係影人定係影野食，隨便一影都係大師級作品。如果唔想逼人影唔到相，就記得要避開繁忙時間去啦！
地址：深圳園嶺新村紅荔路24棟1066號
太二酸菜魚
號稱「只做全宇宙第二好吃酸菜魚」嘅太二酸菜魚，細嫩魚肉配搭酸香魚湯，係深圳一間超人氣酸菜魚。有個性嘅佢。堅持唔接待超過四個人一檯、酸菜魚唔可以控制辣度亦都唔提供外賣。而且每日只係賣100條魚，所以即使去排隊了都未必食到嫁，想食嘅朋友記得要早啲去啦！
在 Instagram 查看這則貼文
地址：深圳市人民南路2028號金光華廣場6層
大龍燚
有深圳「最強麻辣火鍋」之稱嘅大龍燚，來自成都四川，是正宗川味火鍋。除咗非常補身嘅偏辣湯底，用秘製麻辣醬料醃過嘅牛肉同羊肉都係佢嘅皇牌，入味夠辣而不失鮮美。由於湯底係偏辣，微辣對廣東人黎講都會比較辣，唔太食得辣嘅朋友可以叫鴛鴦鍋，麻辣配搭降火嘅番茄湯，天意無縫。
在 Instagram 查看這則貼文
在 Instagram 查看這則貼文
地址：廣東省深圳市南山區南山大道2009號一樓D區
