上回講到，AirAsia 推出咗澳門&香港直飛喀比嘅新航線。2018年12月1日就係澳門首航日期，逢一、二、四、六都有班次，而今個星期佢地仲推出5折優惠，真係抵到無朋友！機票就解決咗啦，係時候要好好計劃下行程啦。睇完喀比十大景點（https://bit.ly/2J9YfN6） 仲係一頭霧水？但唔洗驚！今次小編就同大家嚟個四日三夜喀比行程攻略，實行教你玩盡喀比！
DAY1
喀比鎮 Krabi Town
落機之後，我哋先到喀比嘅市中心 – 喀比鎮，吃飽再去玩。呢到雲集咗各式各樣嘅地道美食，海鮮、泰式咖喱、冬陰功等等應有盡有。
萊莉海灘 Railay Beach
吃飽啦，我們就開始我哋嘅行程啦！首先嚟到泰國最美嘅海灘之一 – 萊莉海灘 (Railay Beach)。呢個海灘被特殊嘅石灰岩地形包圍住，因此被譽爲「攀岩者的天堂」，每年都吸引世界各地嘅攀岩愛好者到訪挑戰。係呢到，你可以盡情感受陽光下嘅日光浴之餘，仲有好多其他刺激嘅水上活動。係時候發揮你嘅運動神經啦！
白寺 The Wat Kaew Temple
運動完，我哋可以做啲靜態啲嘅活動。位於喀比市中心嘅喀比白寺The Wat Kaew Temple，全白色嘅建築結構，供奉住一座金色嘅佛像，傳統而細膩。喀比寺廟唔多，但呢座優美嘅白寺絕對係值得你嘅到訪。
地址： Pak Nam, Mueang Krabi District, Krabi
喀比週末夜市 Krabi Weekend Market
玩完係時候食野~夜市係泰國嘅特色，黎到喀比梗係都要去夜市，感受一下當地的文化啦！星期五到日黎到就可以去呢個喀比週末夜市。呢到除咗有好多種類美嘅食，物美價廉嘅特色商品之外，仲可以欣賞到不同嘅表演，氣氛非常熱鬧。
時間：每週週五至週日18:00-22:30
地址：Soi 8, Maharaj Road, Krabi Town, Thailand
RCA entertainment 酒吧區
吃飽飯，又唔想咁早返酒店？RCA entertainment係喀比最著名的酒吧區域。呢到短短嘅一條巷，就有大概15家酒吧。同朋友一齊小酌一番，同時又可以更近距離咁感受當地嘅文化。
地址： 249/2 4203, Tambon Ao Nang, Amphoe Mueang Krabi, Chang Wat Krabi
Day 2
洪島 Hong Island
喀比最著名嘅就係陽光與海灘同埋唔同嘅島嶼，去呢啲島嶼最好都係參加一日團，咁就唔洗擔心語言同交通嘅問題啦。
我哋首先喺喀比鎮坐TukTuk車到奧南海灘 (約40泰銖/人)，再由奧南海灘出發去其他島嶼。奧南海灘黎到有好多唔同嘅一日遊行程比你選擇，距離最近又最熱門嘅就係洪島(Hong Island) 一日遊。洪島被譽爲喀比最美麗嘅小島，而洪島一日遊一般會停四個點，包括：瀉湖 (Hong island lagoon)， 部洪島 (Pakbia island)，洪島海岸(Hong island) 和 拉丁島 (Lading island)。
島與島之間嘅距離唔遠，只需要幾分鐘就到。而且顧客可以選擇坐長尾船或者遊艇。長尾船大約比遊艇便 200 多蚊泰銖, 但就逼小小。想有私人空間的話，可以用多小小錢坐遊艇。
第一站 – 瀉湖 (Hong’s Lagoon)，係洪島裡面嘅一個大湖泊。周圍被懸崖峭壁環繞著，只有一個缺口同海洋相連。
喺湖中停留15分鐘左右，就會到第二站， 一的附近嘅小島 – 部洪島 (Pakbia Island)。 呢到嘅特色，就係兩座好細嘅島， 由中間嘅一條細長沙灘連接著。可以喺長沙灘落水，散下步，感受一下攝人嘅風景。
第三站，都係洪島附近嘅小島之一 – 拉丁島 (Lading island)。島上面幾乎都係懸崖峭壁，聽導游講呢到有好多燕窩，而當地居民都係以採集燕窩為生。係呢到停泊之後你可以係岸邊休憩，或者換上泳衣，挑戰浮潛都得！
最後一站，我地終於黎到洪島 (Hong island) 本尊。呢到水清沙幼，彷佛返到原始世界般，仲會有不同嘅小動物路過。係呢到曬個日光浴，吸收一下大自然嘅養分，都咪話唔享受~
AREE BABA 餐廳
嘆完洪島一日遊之後，船會返到奧南海灘。而係奧南海灘就有間喀比必食泰國餐 – AREE BABA。非常就腳，雖然呢到環境一般，但勝在各種地道泰國菜都包羅萬有，鹽燒烤魚，馬沙文咖喱等等都一試難忘，係當地人都高度推薦嘅餐廳。
地址： 420/14-15 4203, Tambon Ao Nang, Amphoe Mueang Krabi, Chang Wat Krabi
Day 3
虎岩寺 Wat Tham Sua
第三日我地繼續遊山玩水，首先尼到距離喀比鎮5公里嘅虎岩寺 (Wat Tham Sua)。虎岩寺係泰國最美景點之一。被天然森林同老虎爪般嘅岩石包圍，慢慢走上1260級樓梯，可以觀賞到山頂大佛之餘，再眺望遠處嘅美景，壯觀到極緻！
Wat Tham Sua (Tiger Cave) / 虎岩寺
開放時間：8:00am-17:00pm
地址：Krabi Noi, Amphoe Mueang, Wat Tham Seua is Tiger Cave Temple which already have a listing., Krabi Town, Thailand
翡翠池 The Emerald Pool
然後下一站我哋黎到位於 Khaoprabangkram 嘅⾃然⽣態保護區。如果想一次玩多啲，一樣可以參加Day Tour。而我們嘅主要目的就係呢個被泰國國家旅遊局列為「Unseen Thailand」之一嘅翡翠池（The Emerald Pool）。由於池底沈澱咗⼀層鹼性碧藍⾊⽯灰岩層，所以池⽔透出純淨嘅碧藍色。聽講池水嘅顏色仲會隨住一日唔同時段改變色調。記得帶定泳衣，尼番個夏日落⽔禮啦！
克儂通溫泉 Khlong Thom Hot Springs
除咗翡翠池之外，⾃然⽣態保護區裏面仲有好多其他景點。就好似呢個克儂通溫泉(Khlong Thom Hot Springs)，由日積月累的礦物質堆積而成，係個多層嘅溫泉池，每層嘅溫度都唔一樣，比你感受天然嘅三溫暖！
The Hilltop 山頂餐廳
最後一晚梗係要食好啲，黎到奧南位於半山腰嘅餐廳 The Hilltop。環山面海。客人一般都會坐戶外，品嘗優質嘅美食之餘，仲可以享受無敵大海景。我提議最好趕到太陽下山之前到，咁就可以睇到黃昏日落嘅靚景。雖然價錢係貴小小，但淨係靚景都抵翻曬。由於呢間餐廳長期都很多人，黎之前記得預約哦！
地址： Moo 4 Tambon Ao Nang, Amphoe Mueang Krabi, Chang Wat Krabi
Day 4
最後一日，由於係早機嘅關係，unun腳喺泰國食早餐嘆埋個Good Morning，再去坐原先預約好嘅包車出機場。喀比地方細細，但一樣咁多嘢玩，上山下海應有盡有。心動不如行動，仲諗緊放假去邊嘅朋友仔不妨考慮下喀比。之後直飛澳門，大約四個鍾左右就到，嚟個快閃假期話都無咁易！
睇完係咪好心動呢？由今個星期訂飛，香港／澳門出發到泰國喀比機票5折，係5折啊！真係抵到無朋友！心動不如行動，即上AirAsia.com 訂飛啦！
*訂購日期：即日起至2018年10月28日
出發日期：2018年12月1日至2019年6月30日
優惠票價只限BIG會員｜須受條款及細則約束。
立即訂飛：goo.gl/7hCwMR
旅神好怕在機上捱餓，成日以為飛機上面食好西好貴？其實同你在茶記吃個飯的價錢差不多。
你可以在出發前最少24小時內預訂AirAsia套餐，在機上嘆泰式青咖哩雞飯、芒果糯米飯，整個旅程才算是Perfect池！套餐預訂詳情：goo.gl/Hzaw4v
