嚟到廣州，除咗行街shopping之外，美食當然都係唔可以錯過嫁啦！廣州呢到集齊咗好多睇得又食得嘅美食，旅癮今次搜羅咗八大排隊排到腳軟都要食嘅廣州超人氣必食餐廳！大家千奇咪錯過啦！
排隊排到腳軟都要食！
1．潮爺的蝦
紅遍全廣州嘅呢間潮爺的蝦。可能係全廣州性價比最高嘅小龍蝦，三個字，平！靚！正！味道好之餘，環境充滿住濃濃嘅復古風情，影相打卡一流！店鋪出面長期都排滿曬人，所以如果唔夠時間又想一試佢嘅朋友，不妨叫外賣呀，味道一樣咁正。
地址：廣州市員村南街自編88號 (天河區潭村地鐵站B口，步行約1千多米)
2． 摩打食堂
長期爆滿嘅摩打食堂係廣州最紅嘅日本料理，價錢均真之餘，分量超驚人。魚子堆到成座山咁嘅火山沙津，無敵澎湃蓋飯，同埋赤焰三帝蓋飯，都係呢到嘅皇牌菜式。全部都大大份，食完包保飽到你托住個肚出門口啊！
地址：共有6間分店
1. 越秀區中山三路71號
2. 越秀區惠福東路451號
3. 越秀區教育路36號
4. 荔灣區黃沙大道8號西城都薈L1層
5. 海珠區新港中路354號珠影星光城2樓
6. 天河區天河南二路34號
3．達楊原味燉品
廣州養生飲食嘅一大亮點可以講話係燉湯文化。呢間達楊原味燉品，係廣州最具人氣嘅靚湯店，仲係米芝連推薦餐廳。店面細細，但經常都大排長龍。而「椰子燉竹絲鶏」就係佢地嘅皇牌，原隻椰子塞入枸杞、山藥、烏骨鶏等熬煮，香氣四溢，椰子配搭、鶏肉的精華，湯同中藥材嘅味道令燉湯清甜之餘勁補身。
地址：廣州市越秀區文明路160號
4. Ms Soufflé
講到排隊，要令姊妹們心甘情願排嘅，就非甜品莫屬啦！Ms Soufflé係廣州數一數二嘅甜品餐廳，佢嘅梳乎厘唔單止顔值超高，熱辣辣嘅梳乎厘，蓬鬆得嚟入口即溶，每一啖都好似食緊棉花糖咁，令人一試難忘。店入面仲有好多打卡位。
地址：共有兩間分店
1. 天河路正佳廣場負一層B1-019鋪
2. 海珠區江南西路46號江南新地商業街B13舖
5. 致得炸蛋蔥油餅
位於江南新地，大排長龍嘅呢間蔥油餅外賣店，評價超高。皇牌爆漿葱油餅，炸到外脆內軟，蛋黃流心夾住融化嘅芝士，吾油腻之餘，口感十足。第一啖咬落去，嗰種複雜嘅口感，絕對會將你驚艷到！
地址：江南新地D05B鋪
6. 大頭蝦越式美食
門口永遠排滿人，性價比超高嘅東南亞菜－大頭蝦越式美食。呢到嘅大頭蝦煲、麻油雞、冬陰公虾湯、咖哩牛腩等等，都係本地人都勁力推薦嘅菜式。配搭酸酸甜甜嘅酱料，惹味程度令你一試就愛上！想試下新野嘅朋友不妨試下呢間大頭蝦越式美食啦！
地址：北京路 惠福東路548號
7. 築地食堂．一虎
網紅日本料理築地食堂．一虎。呢到嘅蓋飯，料足味道好。招牌鰻魚飯，又係堆到迷你山咁，淨係造型都滿分。仲有大滿足牛丼飯，加埋隻溫泉蛋，更加係必食無疑！因為好多人排隊，週末時間尼食記得要預留啲時間等位啊！
地址：天河路228號正佳廣場西門負一樓B013號
8. 祿鼎記
可能係廣州最好食嘅酸菜魚。被譽為神店嘅祿鼎記，於廣州起家，分店遍佈全廣東。酸菜魚辣味適中，符合廣東人味覺，加埋切片去骨嘅魚肉，滑嫩得尼帶鮮味，越食越上癮。祿鼎記以供應川菜為主，乾鍋、財神炒飯等都係佢嘅招牌菜。約埋三五之己一齊去就可以試曬佢地啦！
地址：廣州共有5間分店
1. 體育東路39-45號潮流站底商1層
2. 珠江新城興盛路11號興盛匯3樓
3. 天河東路75號匯坊2層
4. 金穗路62號僑鑫國際商場2樓
5. 建設六馬路1號譽海食街3樓
