當講到元朗有乜好食，大家係咪一定會先諗到華嫂冰室，B仔喱啲出曬名但係又爆曬位嘅小食店呢？最近小編發現位於旅游熱點南生圍附近一間超好食嘅漢堡包店！手打漢堡即叫即製，肉厚多汁，見到都流曬口水呀！
鳳攸南街有不同特式嘅食店，喱間EC kitchen位於橫街內嘅一間鋪仔。店面嬌小玲瓏，但漢堡種類各式各樣，有好多唔同嘅選擇，食多幾次都唔會悶。
佢出名嘅手打牛肉漢堡有4CM厚，大到一啖都咬唔曬，喱個熱賣嘅海膽系列漢堡，用上海膽、黑松露、芝士、手打牛肉。漢堡即叫即製，用料超足，老闆會先煎香自家手打牛肉，加上焗溶嘅芝士，然後將半板新鮮海膽放喺芝士上，最後再加上黑松露，熱辣辣送到你手。包面外脆內軟，咬落去口感豐富，牛肉係口裏面爆曬汁，各種材料嘅完美混合，絕對衝擊你嘅味蕾，好食到飛起，小編强烈推薦必點呀！
就算係最簡單嘅牛肉漢堡，口感味道都喺獨一無二架，手打牛肉每日新鮮在店內製做，牛肉勁厚勁Juicy,肉質偏瘦，鮮嫩多汁，為食嘅你食一個點會夠呀！
除咗漢堡包外，必推薯條：蕃茄肉醬芝士薯條，鵝肝辣肉醬芝士薯條。
食飽飽，行多幾步，仲可以去埋南生圍踩單車同放風箏。絕對係娛樂美食兩不誤！
地點：EC Kitchen 元朗鳳攸南街3號好順景大廈2期19號舖（元朗地鐵站A出口）
營業時間：星期一至星期日 11:00-21:30 注意： 星期二休息
電話： +852 2529 4948
