就嚟完暑假啦，係咪心郁郁想捉住夏天尾巴周圍裝B呢~旅神今次帶大家直擊——珠海日韓風！
澳門人最鐘意就係過大陸飲飲食食，仲有冇其它嘢啊？
嚟啦，帶你見識不一樣嘅珠海，
準備瘋狂呃Like喇！
有時綠色植物可以為照片增添唔少風情，再搭配小木屋，日系background即刻出咗嚟！
小貼士：穿著方面可以偏文藝風哦。
地點：珠海北山大院
咦？一睇真係以為喺韓國添，顏色強烈係韓系必備嘅風格，即使冇任何物件，清涼夏天專屬嘅天藍色已經夠曬搶眼啦，再來一身潮look，成件事已經perfect池！
咦？呢個地方好IG啊~旅神誠心推薦呢個網紅打卡點！成日經過珠海歌劇院，都唔一定知道呢個地方，喺海邊影相嘅人多，但唔想遊客照就可以落台階去影喇~大片嘅幾何圖形組合，高處影簡直係裝逼寶地！
地點：珠海歌劇院海邊
其實我哋身邊好多事物都可以影出IG風嘅，
比如話：橋！
影相時天氣與時間嘅選擇都好重要，太陽照射下影子在地面顯現，令照片多了幾分生動。
地點：珠海白石橋
唔好以為等人等車就唔可以影相！悶悶地拿部手機出來裝B一番，無需擺pose，簡單嘅側面就可以靚爆燈！
小貼士：利用Foodie濾鏡，就可以輕鬆調出日韓feel
地點：珠海路邊
上一集提到影相嘅角度好重要，今次旅神再介紹一種新玩法——低炒！當低角度影企喺高角度建築嘅人時，人與物嘅融洽感更強，而且仲唔呆板添~
小貼士：穿搭日式衫，令照片升華。
地點：珠海建築
隧道永遠令人覺得神秘，晚上拍攝更佳，燈光照射下，墻面上嘅人仿佛在與自己對話，好有故事感。
地點：珠海隧道
旅神被呢個回眸一笑深深吸引了~操場都可以好有feel，呢種背景最適合人物特寫，可以搭配輕鬆俏皮pose，青春洋溢，Like！
地點：珠海操場
有時天氣唔好都唔緊要嫁，喺樓頂影憂鬱嘅背影，同天氣完全啱feel呢。順便提下，呢張相仲係珠海日月貝嘅正確打開方式！想影日月貝唔一定要去現場影，咁影又得，又唔怕週圍同人撞~
地點：珠海居住樓頂
捉緊暑假嘅尾巴，
約埋班friend瘋狂呃like啦！
