今次食辣人士有口福啦！澳門有幾間唔錯嘅酸辣粉，小編為大家盤點了五間網民最愛的舖頭，經營多時深受街坊喜愛，快d去試下啦！
★「酸辣粉」
冇錯！呢間店名就叫「酸辣粉」！相信大家都不陌生。雖然店面不大、擺盤簡單，但夠敢用菜名做店名，老闆一定對自家酸辣粉夠自信。呢間酸辣粉以蒜蓉味為主，湯底濃厚，愛蒜人士絕對會越食越上癮！除咗可以揀黑白粉、加料之外，還有涼拌、小炒等選擇。食完記得買樽竹蔗水去下火。
最傳奇嘅就係呢間店24小時營業，只收現金，冇上架外賣任何app！如果選擇新口岸分店，送新口岸以外地區加收10元車資，送離島區加收200元車資（的士往返）。如果選擇氹仔分店，送此店範圍以外需另收車費，送離島區加收200元車資（的士往返）。
「酸辣粉」 營業時間：24小時（只收現金） 地址：氹仔孫逸仙博士大馬路508號；澳門新口岸海冠中心地下k舖
——————————
★「喜地張辣辣」
聽講呢間店的老闆專登去重慶學藝，回澳門就開了這間符合澳門人口味的店，主打酸辣粉和麻辣拌。舖頭雖小，卻在短期內發展得有聲有色，回頭客絡繹不絕。
這間酸辣粉絕對算係後起之秀，抓住酸辣粉中“酸”和“辣”的精髓，湯底濃厚，香氣十足。不過只有薯粉一種選擇，秉承了正宗酸辣粉的理念！粉煮得Q彈爽口，用料豐富，係其他店舖食唔到嘅味道！
「喜地張辣辣」
營業時間：11:00-24:00
地址：澳門福安街146號華禧閣地下D座
——————————
★「又一川」
呢間都算係澳門數一數二嘅川菜館，大家都非常熟悉。以水煮類、麻辣小食、酸辣粉為主，份量也夠大。粉嘅選擇較多，可以揀紅薯粉、桂林米粉、珍珠米粉同粉絲。粉煮得軟硬適中又彈牙，湯底酸得黎又唔會太鹹，超級香口啊！
椒鹽茶樹菇、乾鍋大腸、水煮田雞、涼拌魚皮等菜品也是鎮店之寶，份量夠大，最適合全家大細或一班老友一齊食飯啦～
「又一川」 營業時間：16:00-04:00 百佳店：黑沙環馬路菜園巷蓮德大廈第一座10號地下B（28535399） 雅廉訪店：雅廉訪大馬路91號地下（28210310） 氹仔店：孫逸仙大馬路418-420號華峰閣地下C舖（28437616）
——————————
★「香辣園」
呢間老字號隱藏在筷子基，不愧是平民美食集中地！所有菜品最特別嘅係有少少孜然味，越食越香，完全停唔到口。而酸辣粉同樣足料，黑白粉任選，湯底又香又濃，回味還有孜然香氣，想必就係老闆嘅獨家配方！
口水雞同蒜泥白肉都好出名！豬肉夠厚夠實在，蒜泥同豬肉片一齊捲起再浸醬，蒜香味和辣味在口中交融，回味帶有一絲回甘。仲有椒鹽粟米和椒鹽魷魚鬚同樣出色，鍾意椒鹽類唔好錯過～
「香辣園」 營業時間：17:00-03:00 電話：28266833 地址：澳門和樂街37號宏發大廈地下E舖地下層及閣樓
——————————
★「媚哥」
說起酸辣粉，在鏡湖醫院附近的 「媚哥」相信都有不少捧場客，超多款任你選，同樣份量夠大，總有一款岩你心水！呢間粉偏軟身，無咁有咬口。湯底自然唔使講，咁多回頭客就知廚師水平啦！
聽講酸菜魚係店內招牌，魚肉彈牙爽口，酸得過癮，底下嘅米線和酸菜份量更是感人。同埋蒜味炸雞翼也是必食招牌！雞翼炸得程度剛好，雞肉滲出微微肉汁跟蒜蓉一齊落肚，一個字，妙！
「媚哥」 營業時間：17:00-03:00 電話：28529995 地址：澳門嘉野度將軍街3號寶明大廈地下A座（鏡湖醫院附近）
酸辣粉千千萬萬，各花入各眼，邊一款係你心目中最愛嘅酸辣粉呢？留言話我知啦！
文/Amber 林金欣
